Брюссельде Орталық Азия мен ЕО ынтымақтастық перспективаларын талқылады
Брюссельде Орталық Азия елдері мен Еуроодақ елдері саясат және қауіпсіздік саласындағы ынтымақтастық перспективаларын талқылады, – деп хабарлайды Taspanews ҚР Сыртқы істер министрлігінің баспасөз қызметіне сілтеме жасап
Еуропалық Одақтың астанасында 11-ші Жоғары деңгейдегі саяси және қауіпсіздік диалогы (ЖҚД) аясында аймақтық қауіпсіздік, өңіраралық ынтымақтастық және халықаралық күн тәртібі мәселелері бойынша пікірталас өтті.
Іс-шараға Орталық Азия елдері Сыртқы істер министрлерінің орынбасарлары мен Еуропалық сыртқы әрекет қызметі Бас хатшысының орынбасары Энрике Мора қатысты. Қатысушылар Орталық Азия – ЕО жол картасын жүзеге асыру, көлік, сауда-экономикалық және энергетикалық-климаттық ынтымақтастықты дамыту, сондай-ақ Ауғанстандағы жағдайға қатысты сын-қатерлерді талқылады.
ҚР Сыртқы істер министрінің орынбасары Роман Василенко энергетика, сауда және су ресурстары салаларындағы бастамаларды ұсынды. Ол Қазақстанның Халықаралық Аралды құтқару қорындағы төрағалығының басымдықтарына тоқталып, тараптарды ирригация және табиғатты қорғау шаралары саласындағы күш-жігерді үндестіруге шақырды сауда, көлік, энергетика және трансшекаралық даму саласындағы көрсеткіштер.
Бұған Орталық Азиядағы мемлекетаралық саяси диалогтың серпіні және аймақтағы экспорттық-импорттық операциялардың жүйелі ұлғаюы, Орталық Азияның экономикалық келбеті мен мүмкіндіктерін өзгертетін ірі өңірлік жобалардың құрылуы ықпал етуде.
«Орталық Азия – ЕО» саяси және қауіпсіздік мәселелері бойынша жоғары деңгейдегі диалог аймақаралық ынтымақтастық пен аймақтық қауіпсіздік мәселелерін шешудің тұрақты алаңы болып табылады.
