Франция премьер-министрі кезектен тыс сайлауды болдырмау үшін отставкаға кетуді сұрады
Фото: AP Photo
Франция премьер-министрі Габриэль Аттал жексенбі күні президент Эммануэль Макроннан Ұлттық ассамблеяға мерзімінен бұрын сайлау өткізбеу үшін отставкаға кетуге рұқсат сұрады, деп хабарлайды Taspanews РИА Новости агенттігіне сілтеме жасап.
Атталдың өтініші Еуропарламент сайлауының алдын ала нәтижелері жарияланғаннан кейін жасалды, онда оңшыл «Ұлттық ралли» партиясы Макронды қолдайтын коалициядан екі есе көп қолдауға ие болды.
BFMTV арнасының дереккөздерінің хабарлауынша, Макрон Атталдың ұсынысын құптамады және екі турда - 30 маусымда және 7 шілдеде жаңа сайлау ұйымдастыру арқылы Ұлттық жиналысты таратуды талап етті.
Президент сонымен қатар Атталдың сайлау науқанын жүргізуге ең жақсы кандидат екеніне сенім білдірді.
