Грузия президенттің ветосын айналып өтіп, шетелдік агенттер туралы жанжалды заң қабылдады
Фото: Forbes
Грузия парламентінің спикері Шалва Папуашвили президент ветосын еңсергеннен кейін шетелдік агенттер туралы қабылданған заңға қол қойды, деп хабарлайды Taspanews РИА Новости агенттігіне сілтеме жасап.
Енді Грузияның Әділет министрлігі мен ұлттық мемлекеттік тіркеу агенттігі екі ай ішінде шетелдік мүдделермен жұмыс істейтін ұйымдардың тізімін жасауы керек.
Тізілім іске қосылғаннан кейін оған тіркелу кірісінің 20 пайызынан астамын басқа мемлекеттерден алатын барлық үкіметтік емес ұйымдар мен БАҚ үшін міндетті болады.
Заң бірнеше апта бойы жалғасып келе жатқан көше шерулері мен Батыстың Тбилисимен қарым-қатынас енді қайта қаралатыны туралы мәлімдемелері аясында қабылданды.
