Қазақстанда Финляндиямен экологиялық ынтымақтастық талқыланды
Финляндия өкілдерімен кездесуде қазақстандық және фин тараптары экологиялық ынтымақтастықтың келешегін талқылады, - деп хабарлайды Taspanews.kz ҚР Табиғи ресурстар және қоршаған орта министрлігіне сілтеме жасап.
ҚР Экология және табиғи ресурстар вице-министрі Жомарт Әлиев пен Финляндия Геологиялық қызметінің бас директоры К.Тиликайненнің кездесуі өтті.
Вице-министр құттықтау сөзінің аясында Қазақстандағы түрлі экологиялық мәселелерге, соның ішінде жаңа Экологиялық кодекске, озық тәжірибелерді енгізуге, геологиялық зерттеулерге қатысты заңнамадағы өзгерістерге, сондай-ақ жылу энергетикасының қалдықтары мен күлінің ағымдағы жай-күйіне кеңінен тоқталды.
Ол республиканың тау-кен саласының тұрақты дамуының негізгі критерийіне айналатын, оның тиімділігін, бәсекеге қабілеттілігін және тұрақты дамудың заманауи стандарттарына сәйкестігін арттыруға көмектесетін инновациялық шешімдерді енгізу болып табылады.
Жомарт Әлиев Қазақстан қоршаған ортаны реттеудің финдік тәжірибесіне, әсіресе екі елдің қатысуымен семинарлар, халықаралық кездесулер мен оқыту іс-шараларын өткізуге мүдделі екенін атап өтті. Сонымен қатар, финдік қалдықтарды өңдеу технологиялары ерекше қызығушылық тудырады, өйткені олар экономикалық тиімді концентрацияларда пайдалы компоненттерді қалпына келтіруге мүмкіндік береді.
Сондай-ақ, Жомарт Әлиев Қазақстан Республикасындағы қалдық қоймаларының бірінде бірлескен пилоттық жобаны ұйымдастыруды ұсынды.
Фин тарапы бұл бастаманы мақұлдап, оны сарапшылық деңгейде қарауға дайын екенін мәлімдеді.
