Қырғызстанда билікті басып алу әрекеті тоқтатылды
Қырғызстанның күштік ведомстволары деструктивті топтың билікті басып алуын тоқтатты. Бұл фактіні Қырғызстанның ұлттық қауіпсіздік мемлекеттік комитеті (ҰҚК) растады,– деп жазады Taspanews.kz kaktus.media-ға сілтеме жасап.
Комитет өкілдерінің айтуынша, қаскүнемдердің мақсаты бейбіт тұрғындардың қайғылы қазасына әкеп соқтыруы мүмкін ауқымды тәртіпсіздіктерді ұйымдастыру арқылы елдің қоғамдық-саяси тұрақтылығына нұқсан келтіру болды. Топқа фанатикалық діни жолға жүрген және қылмыстық элементтермен тығыз байланысты адамдар кірген.
Арнайы операциялар кезінде Қырғызстанның бес азаматы ұсталды: К. Б. А., МЕЖ., БК., М. А. Ж. және С. А. Б.
Олардың барлығы қазіргі уақытта Қырғызстан ҰҚК-нің уақытша ұстау изоляторында орналасқан.
Олардың үйлері мен автокөліктерін тінту кезінде құқық қорғау органдары бомбалар жасау үшін қолданылған бөлшектерді, патрондары бар атыс қаруын, рацияларды, оқтан қорғайтын жилеттерді, күш құрылымдары қызметкерлерінің ресми формасын, ұшқышсыз ұшу аппараттарын және экстремистік оқулықтарды тәркіледі.
