«Қазақтелеком» компаниясы тарифтің көтерілуіне байланысты ескерту алды
Фото: АЗРК
ҚР Бәсекелестікті қорғау және дамыту агенттігі «Қазақтелекомға» 2024 жылдың 1 шілдесінен бастап байланыс қызметтеріне тарифтерді көтеру кезінде заңнаманы сақтау қажеттігі туралы ескерту жасады, - деп хабарлайды Taspanews тілшісі ҚР Бәсекелестікті қорғау және дамыту агенттігіне сілтеме жасап.
Интернет тарифтерінің көтерілуіне байланысты ҚР Бәсекелестікті қорғау және дамыту агенттігі «Қазақтелекомға» ескерту жасады. Олар заңды бұзуға жол берілмейтінін мәлімдеді.
2024 жылғы 20 мамырда АҚ «Қазақтелеком» өз сайтында 2024 жылғы 1 шілдеден бастап тарифтердің көтерілуі туралы ақпаратты жариялады. Бұл туралы Taspanews сайты ведомствоға сілтеме жасап хабарлайды. Өзгерістер 51 тіркелген желі тарифтік жоспарларына, соның ішінде үйдегі интернет қызметтеріне және ұялы байланысы бар пакеттік қызметтерге қатысты.
Байланыс заңнамасына сәйкес, байланыс операторлары тарифтерді ақылға қонымды шығындар негізінде белгілейді.
«Осыған байланысты, ҚР Кәсіпкерлік кодексінің 198-бабының 1-тармағына сәйкес, бәсекелестікті қорғау саласындағы заңнаманың ықтимал бұзылуы туралы ескерту мақсатында 2024 жылғы 24 мамырда АҚ «Қазақтелеком» заң бұзушылыққа әкеп соқтыратын әрекеттерге жол бермеу туралы ескерту», - деп айтылған ведомство хабарламасында.
