«Цифрлық ҚҚС» Қазақстандағы бизнестің жұмысын жеңілдетеді
Қазақстанда салықты қайтару жүйесін толығымен өзгерте алатын «Цифрлық ҚҚС» пилоттық жобасы іске қосылды. Енді кәсіпкерлер ақшаны небәрі бес күнде ала алады, бұл тексерусіз, бюрократиясыз және тәуекелдерсіз жүзеге асады, – деп хабарлайды Taspanews.kz ҚР Мемлекеттік кірістер комитетінің баспасөз қызметіне сілтеме жасап.
Пилоттық жобаның мәні
2024 жылдың төртінші тоқсанынан бастап Мемлекеттік кірістер комитеті (МКК) Ұлттық банкпен бірлесіп, жаңа шараны сынақтан өткізуде. Оның негізінде блокчейн технологиялары арқылы жасалған цифрлық теңге тұр.
Енді экспорттаушылар ҚҚС белгіленген цифрлық теңгені екінші деңгейлі банктер арқылы сатып ала алады. Бұл қаражатты қолма-қол ақшаға айналдыру немесе басқа мақсаттарда пайдалану мүмкін емес. Олар жеткізушілермен және мемлекетпен есеп айырысуларға байланған.
Бизнес үшін артықшылықтар
ҚҚС бұрынғыдай 55-75 емес, 15 күн ішінде қайтарылады:
- Салық мекемелері тексермейді;
- Ашық транзакциялар және қаржылық жоспарлауды жеңілдететін жылдам ақша айналымы.
Нәтижеге келер болсақ, пилоттық жобаға енген компаниялар бірнеше күннің ішінде 2024 жылдың төртінші тоқсанының ақшасын қайтарып алды. Мемлекеттік кірістер комитеті цифрлық шешімдер салық жүйесінің болашағына айналатынына сенімді және бизнес операцияларын одан да ыңғайлы және қауіпсіз етеді.
