«100 млн теңгенің көлігі»: Серік Ибрагимов өзіне және әйеліне су жаңа темір тұлпар сатып алды
Қазақстандық танымал әнші Серік Ибрагимов отбасының тұрағы су жаңа екі көлікпен толыққанын көрсетті. Өнер иесі өзіне және әйеліне жаңа көлік сатып алған. Бұл туралы Taspanews.kz Серік Ибрагимовтың Instagram-дағы ресми парақшасына сілтеме жасап хабарлайды.
«Біздің жаңа темір тұлпарларымыз. Баршаңызға жұғысты болсын!», – деп жазды әнші.
Ибрагимов кейін достары мен жақындарының байғазы бермегенін айтып, ренішін білдірді.
«Бір де бір адам көрімдік бермеді. Осы адамдар қызық?! Жұғысты болу үшін көрімдік беру керек емес пе?! Біз болсақ барымызды береміз. Мынау майды ішеді екен. Машинамның маркасы анық көрініп тұр. Құны – 100 миллион теңге», – деді өнер жұлдызы.
Желі қолданушылары әншінің қуанышын бөлісіп, жылы лебіздерін білдірді.
«Құтты болсын!», «Жарайсың», «Сәке көліктің жақсысын біледі», «Құтты болсын, Айнамкөз ханым, лайықсыз», – деп жазды желі қолданушылары.
