Актер Серік Шәріп күнәсін мойындады: сот шешімі шықты

2025 жылы 4 сәуір күні Серік Шәріптің Алия Бутееваға қол көтергені бойынша сот өтті. Актер күнәсін мойындады, – деп хабарлайды Taspanews.kz Алия Бутееваның инстаграмына сілтеме жасап.

Сот актерді 73 баб, 1 бөлігі бойынша кінәлі таныды. Актер 5 күнге қамауға алынды.

«Мен зорлық-зомбылыққа қарсымын. Мен өзімді еш ақтағым келмейді. Жауапкершілік алуға дайынмын. Ашу сезімі бәріне таныс шығар. Алайда, менің қателігімді қайталамаңыздар. Мен Алия Бутееваның өзінен және ата-анасынан кешірім сұраймын», – деді актер инстаграм парақшасында.

Ал Алия Бутеева бұл жағдайдан өту ол үшін эмоционалды тұрғыда қиын болғанын айтты. Халықтың қолдағанына алғыс білдірді.

Белгілі инфльюенсер, блогер Алия Бутеева мен Серік Шәріп бұрынырақ жұп болған. 1 күн бұрын блогер инстаграм парақшасында айғақ жариялап, актерді қол көтергені үшін айыптаған.