Дина Төлепбергеннің жаңа образы көпшіліктің қызу талқысына түсті
Желіде қазақстандық танымал тележүргізуші Дина Төлепбергеннің образы көпшіліктің қызу талқысына түсті. Бұл жолы журналист көпшілікке үйсіз әйелдің образында шықты. Бұл туралы Taspanews.kz Дина Төлепбергеннің Instagram-дағы ресми парақшасына сілтеме жасап хабарлайды.
«Түрімді көріп, шошымаңыз. Өзімнің жаңа бағдарламамның соңын Тіріғали мен Мағрипа аяқтасын деп шештік. Расында, әр бейнеге ену – түйсігіңді тереңдетуге жетелейді екен. «Неге осы образ?» деп ойланып көріңізші. Бұл жай ғана кейіп емес, жүректен шыққан үн. Ойыңызды бөлісіңіз – бәлкім, сіздің пікіріңізде шындықтың өзі жатқан шығар», - деп жазды БАҚ өкілі.
Мұны көрген желі қолданушылары журналистің талантына таңдай қағысып, әртүрлі пікір қалдырды.
«Нағыз талант иесі екенсіз», «Дина ханым, шошыттың ғой», «Бәрін образбен күшті алып шықтыңыз», «Оқымаған актриса болып тұрсыз», «Керемет актерлік шеберлік, жарайсыз», «Түрі не болып кеткен деп шошып кеттім ғой», «Бұлай шошытпасаңызшы», – деп жазуда көпшілік.
