«Қалыңдық Party»: Айгүл Иманбаева құрбыларының тосынсыйын көрсетті

Қазақстандық танымал әнші Айгүл Иманбаева шетелде тұрмысқа шыққанын айтқан еді. Өнер иесінің құрбылары отбасын құрар алдын «Қалыңдық кешін» жасап берген көрінеді. Бұл туралы Taspanews.kz Айгүл Иманбаеваның Instagram-дағы ресми парақшасына сілтеме жасап хабарлайды.

Әнші құрбыларына алғыс білдіріп, «достан жолы болғанын» айтты.

«Мен негізінде адал достардан жолым болған адаммын! Ешқандай жасандылықсыз, есепсіз, үнсіз бір-біріңді қабағыңнан ,көзқарасыңнан түсінетін дос – ол менің өмірдегі бір байлығым! Сондай достарымның қатарында ағылшын елінде менің досым – Гүлшекерім бар. Бір үйде бір жыл бірге тұрдым, бір нанды бөлісіп жедім, ұзақ жолдарда бірге жүрдім – бәрін айта берсем ұзақ болар! Сезгенім оның маған аңқылдаған адалдығы, кіршіксіз тазалығы! Жанының тазалығы, жүрегінің кеңдігі, ниетінің түзулігі, өресінің ашықтығы бәрі- бәрі – бір кішкене ғана қазақтың қызы Гүлшекердің бойынан табылады. Жаратқанның бұл сыйына алғысым шексіз. Ал мына видео Гүлекемнің мен күйеуге шығардағы жасаған тосынсыйы «Қалыңдық патиі». Гүлекем! Жаным сол, сізге алғысым шексіз», – деп жазды Иманбаева.