«Қоштасу концерті»: «Орда» тобы тарайтындарын мәлімдеді
Фото: Ашық дереккөзден
Қазақстандық «Орда» тобы тарайтындарын мәлімдеді. Көпшіліктің жүрегінен «Белгісіз жан» әнімен орын алған топ тарағанымен оның мүшелері өнерден кетпейтіндерін хабарлады. Бұл туралы Taspanews.kz топтың «Revue News» бағдарламасына берген сұқбатына сілтеме жасап хабарлайды.
«Орданың» белді мүшесі Дастан Оразбековтің сөзінше, алдағы уақытта 25 жылдық қоштасу концерті болады.
«Осы жылғы тур біздің ортақ соңғы турымыз болмақ. 15 ақпанға үлкен қоштасу кеші жоспарланып отыр. Бұл «Орданың» 25 жылдық қоштасу концерті болады. Меніңше, тарайтын кез келді. Әрқайсымыздың жұмысымыз бар дегендей. Көңілде қимастық бар, әрине», – деді Дастан Оразбеков.
