Жазира Байырбекова отбасы туралы жалған ақпарат таратқандарға ашуланды
Фото: instagram.com/zhazira_bairbekova
Қазақстандық танымал әнші Жазира Байырбекова отбасы туралы жалған ақпарат таратқандарға шүйлікті. Бұл туралы Taspanews.kz әншінің Instagram-дағы ресми парақшасында сілтеме жасап хабарлайды.
Әншінің айтуынша, жалған ақпарат айтылған жарияланымда әншінің тұңғыш ұлы баласы бар келіншекпен сөйлесіп жүргені туралы жазылған. Одан бөлек бұл туралы Жазира Байырбекова біледі екен деп те қосып қойған.
«Мынау не сұмдық, адамдар?! Оқырман жинау үшін жалған ақпарат тарататындарды не істейміз?! Біріншісі ештеңе емес, екінші суреттегі жазуды айтсаңызшы масқара, ұят-ай. Халық соларға сеніп бізді даттап, сөгіп, қарғап жатқандары жанымды ауыртады. Шынымен сенесіздер ма осындай парақшалардың өтірік ақпараттарына», – деп жазды Байырбекова.
Пост из социальной сети
