Қазақстандық баскетболшылар Қытайда өтетін халықаралық турнирде өнер көрсетеді
Фото: ҚР ҰОК
Қазақстан баскетбол федерациясы FIBA 3x3 U23 Ұлттар лигасы 2024 - Азия 2 халықаралық турниріне қатысатын жастар құрамаларының құрамын жариялады, деп хабарлайды Taspanews ҚР ҰОК баспасөз қызметіне сілтеме жасап.
Турнир 10-16 маусым аралығында Қытайдың Хандан қаласында өтеді.
Қазақстан ерлер құрамасын Рамазан Самсин, Богдан Рабченюк, Әділ Нариманов, Ақылбек Оралбеков, Тимур Тангиев және Махамбет Казимов қорғайды.
Әйелдер құрамасының құрамында: Дильназ Еркебай, Валерия Капитонова, Ксения Абдурашитова және Зоя Будай.
Баскетболшыларымыз Қытай, Жапония, Моңғолия, Филиппин және Түркіменстан командаларымен күш сынасады.
