Михаил Кукушкин Ұлыбританияда өтіп жатқан Челленджер турнирінің ширек финалына шықты.
Фото: ҚР теннис федерациясы
Қазақстандық теннисші Михаил Кукушкин Ұлыбританияда өтіп жатқан «Челленджер» санатындағы турнирдің ширек финалына шықты, - деп хабарлайды Taspanews ҚР теннис федерациясына сілтеме жасап.
Турнирдің екінші айналымында Кукушкин британдық спортшы Пол Джуббаны жеңіп, кездесу 1:6, 6:3, 6:2 есебімен қазақстандық ойыншының пайдасына шешілді.
Енді ширек финалда Михаил Кукушкин тағы бір британдық Билли Харриспен кездеседі. Михаил Кукушкин қазір ATP әлемдік рейтингінде 136-шы орында тұр.
