Ролан Гаррос финалистері анықталды
Әлемнің бірінші ракеткасы Ролан Гарростың финалында қазақстандық спортшы Елена Рыбакинаны турнирден шығарып жіберген итальяндық Жасмин Паолинимен өнер көрсетеді, – деп хабарлайды Taspanews Rolan Garros ресми порталына сілтеме жасап
Әйелдер арасындағы теннис рейтингінің көшбасшысы польшалық Ига Швентек Франция ашық чемпионатының финалында италиялық Жасмин Паолинимен кездеседі.
Жартылай финалда Швентек WTA-ның үшінші ракеткасы америкалық Коко Гауфты жеңді. 1 сағат 30 минутқа созылған кездесу 6:2, 6:4 есебімен аяқталды.
Осылайша, Ига Швентек бесінші рет Үлкен дулыға турнирінің финалына шығады.
Финалда ресейлік Мирра Андрееваны ұтып, оның қарсыласы итальяндық Жасмин Паолини атанды. Олардың сазды корттағы кездесуі 1 сағат 15 минутқа созылып, 6:3, 6:1 есебімен Паолинидің пайдасына шешілді.
Бұған дейін турнирде Паолини Қазақстанның бірінші ракеткасы Елена Рыбакинаны нокаутқа түсірген болатын.
Ертең, 8 маусымда қазіргі чемпион Ига Швентек пен әлемнің 15-ші ракеткасы Жасмин Паолини арасындағы Ролан Гарростың әйелдер арасындағы жекелей финалы өтеді.
