Велоспорттан Қазақстан әйелдер құрамасы Алматыда өтетін Азия чемпионатында өнер көрсетеді
![фото на taspanews.kz от 05 июня 2024 15:22](https://taspanews.kz/static/n/lx1olf9v213nsg1g3oeorg.webp)
Фото: olympic.kz
Алматыда өтетін Азия чемпионатына қатысатын велоспорттан Қазақстан әйелдер құрамасының құрамы белгілі болды,- деп хабарлайды Taspanews ҚР ҰОК-қа сілтеме жасап.
Әйелдер арасындағы аралас эстафетада Қазақстан намысын Рината Сұлтанова, Махаббат Үмітжанова және Фаина Потапова қорғайды. Бұл жарыстар 6 маусымда өтіп, Астана уақытымен сағат 10:00-де басталады.
Рината Сұлтанова жеке уақыт бойынша сайысқа түссе, оның жарысы 9 маусым күні сағат 10:00-де басталады.
Әйелдер арасындағы топтық жарыста Қазақстан құрамасы үшін Рината Сұлтанова, Махаббат Үмітжанова, Марина Кузьмина және Ангела Соловьева күш сынасады. Жарыс 11 маусымда өтеді, старт сағат 10:00-ге жоспарланған.