Қазақстандық ғылыми журнал жаһандық платформада дебют жасады
Фото: ҚР Білім және Ғылым министрлігі
Қазақстанда, сондай-ақ Орталық Азия және ТМД елдерінде алғаш рет «Digital Commons Elsevier" халықаралық платформасында "Eurasian Journal of Physics and Functional Materials» отандық ғылыми журналы жарық көрді. Бұл туралы Taspanews ҚР Ғылым және жоғары білім министрлігіне сілтеме жасап хабарлайды
Elsevier – әлемдегі ең ірі ғылыми баспа үйі;
Еуразия ұлттық университетінде (ЕҰУ) «Eurasian Journal of Physics and Functional Materials» жеті жылдан бері жарық көріп келеді. Журналдағы барлық материалдардың тілі ағылшын тілі болып табылады және әрбір мақала халықаралық Scopus ақпараттық базасына үлес қосады. Журналда физика, энергетика және т.б. пәндер бойынша зерттеулер мен мақалалар жарияланады.
Редакция құрамында тек Қазақстаннан ғана емес, Ресей Федерациясынан, АҚШ-тан, Франциядан, Жапониядан, Финляндиядан, Швециядан, Италиядан, Өзбекстаннан, Англиядан келген ғалымдар тобы бар.
«Elsevier компаниясының өзі журналды дерекқорға енгізу туралы ұсыныспен бізге жүгінді және журналдың электронды нұсқасын шығаруға дайын», – деді басылымның бас редакторы, ЕҰУ ғылыми-зерттеу институтының жетекшісі Қайрат. Күтербеков.
