14 қазанға арналған ауа-райы болжамы
Бүгін Қазақстанның әр аумағында ауа-райы өзіндік құбылысқа ие, – деп хабарлайды Taspanews.kz Қазгидрометке сілтеме жасап.
Астанада ауа температурасы түнде -8 -10 С, күндіз -1 -3 С. Елорда көшпелі бұлтты, жауын-шашынсыз, жері мұзды. Желдің жылдамдығы 9-14 м/с.
Алматыда түнде ауа температурасы +8 +10 С, күндіз +15+16 С жылы болады. Ауыспалы бұлт жылжып, өткінші жауын жауады.
Республиканың оңтүстік бөлігінде, Шымкентте жауын жауып, найзағай ойнауы мүмкін, жел екпіні 8-13 м/с жетеді. Ауа температурасы түнде +8 +10, күндіз +15 +17 С болады.
Жезқазғанда түнде ауа температурасы 0 +2 С, күндіз +4 +6 С болады. Облыстың басым бөлігінде жауын және қар жауып, көктайғақ болуы мүмкін.
Қарағанды мен жақын маңдағы аудандарда метеорологтар қар жауып, көктайғақ болатынын ескертеді. Мұнда ауа температурасы түнде -5-тен -7 С дейін ауытқиды, күндіз 0 +2 С дейін көтеріледі.
Оңтүстік және оңтүстік-шығыс облыстарда жауын жауып, найзағай ойнаса, Қазақстанның солтүстігінде қар жауады.
