17 қазанға арналған ауа-райы болжамы
17 қазанда күшті жел соғып, құбылмалы ауа-райы болжануда, – деп хабарлайды Taspanews.kz «Қазгидромет» РМК-ға сілтеме жасап.
Астанада көшпелі бұлтты, жауын-шашынсыз. Әртүрлі бағыттан соққан жел жылдамдығы секундына 1-6 метрге дейін күшейеді.
Алматыда синоптиктер көшпелі бұлт, түнде жауын-шашын, тұман болжайды. Ауа температурасы түнде 1-3 С, күндіз 6-8 С жетеді.
Шымкентте күндіз көшпелі бұлт жылжиды, жауын-шашын болмайды, түнде және таңертең тұман түсуі мүмкін. Түнде 1-3 С дейін аяз болады, ал күндіз температура 14-16 С дейін көтеріледі.
Ақмола облысында құрғақ ауа-райы сақталады, ауа температурасы түнде 3-8 градус аяз, күндіз 4-9 градус жылы.
Алматы облысында түнде жауын-шашын жауады, таулы аймақтарда қар аралас жаңбыр жаууы мүмкін.
Талдықорғанды бұлт басып, жаңбыр, қар түрінде жауын-шашын жауады. Ауа температурасы түнде 0-2 С, күндіз 4-6 С.
Жетісу облысының кей жерлерінде қатты жауын-шашын (жаңбыр, қар) жаууы мүмкін. Тұман түсіп, көктайғақ болып, ауа температурасы түнде 0-5С, күндіз 3-8 С жылы болады.
Шығыс Қазақстан облысында да жаңбыр мен қар жауады, күндіз -3-8 С аяз орнайды.
Қарағанды облысы оңтүстігінде жауын қар және жаңбыр түрінде жауады. Түнде ауа температурасы 0-5 С аязды, күндіз 4-9 С болады деп болжануда.
