19 наурыз бойынша ауа райы болжамы
Сәрсенбі, 19 наурызда Қазақстанның ірі қалаларында жауын-шашынсыз жайлы ауа райы сақталады. Ауа температурасы елордада түнде салқын болғанмен, еліміздің оңтүстік өңірлерінде көктемгі жылы ауа райы орнайды, деп хабарлайды Taspanews.kz Worldweather.ru порталының деректеріне сілтеме жасап.
Астана
Астанада қалыпты жылы ауа райы сақталады. Түнде ауа температурасы +3...+1 градусқа, күндіз +7...+5 градусқа дейін жылынады. Жел әлсіз, атмосфералық қысым 732-735 миллиметр сынап бағанасында, ылғалдылық 63-78 пайызды құрайды.
Алматы
Алматы тұрғындарын шуақты және жылы күн күтеді. Түнде ауа температурасы +6 градус жылыны, күндіз +18 градусты көрсетеді. Атмосфералық қысым 690-692 миллиметр сынап бағанасында, ауа ылғалдылығы 33-57 пайыз, желдің жылдамдығы секундына 1,1 метрден аспайды.
Шымкент
Шымкенте жазға ұқсас ауа райы орнайды. Түнде ауа температурасы +10 градус жылы болады, таңертең және күндіз +23...+24 градусқа жетеді. Кешке сәл салқындап, ауа температурасы +12 градус болады. Атмосфералық қысым 713-716 миллиметр сынап бағанасында, ауа ылғалдылығы 27-56 пайыз. Желдің жылдамдығы аз болады.
