2025 жылдың басынан бері 694, 7 млрд теңге зейнетақы төленді
Фото: Freepik
2025 жылдың басынан бастап мемлекеттік бюджеттен базалық зейнетақыны төлеуге 224,5 млрд теңге, ынтымақты зейнетақыны төлеуге 470,2 млрд теңге жұмсалды, – деп хабарлайды Taspanews.kz ҚР Еңбек және халықты әлеуметтік қорғау министрлігіне сілтеме жасап.
2025 жылғы 1 наурыздағы жағдай бойынша Қазақстандағы зейнеткерлер саны – 2 млн 455 мың адам. Жиынтық зейнетақы мөлшері 143 800 теңгені құрады, ынтымақты зейнетақы мөлшері 96 117 теңгені, базалық зейнетақы 47 683 теңгені құрады.
Еске салсақ, 2025 жылы 1 қаңтардан бастап базалық зейнетақы төлемі мөлшері ҚР Ұлттық банкінің инфляциялық болжамына сәйкес 6,5 %-ға, ынтымақты зейнетақы 8,5%-ға ұлғайды. Бұл инфляция деңгейін 2%-ға басып озды.
