2025 жылы алты елді мекенде ваучерлік қаржыландыру іске қосылады
2024 жылдан бастап Қазақстанда мемлекеттің мектепке дейінгі тәрбие мен оқытуға мемлекеттік тапсырысты дербестендіру бойынша ваучерлік қаржыландыру жүйесі енгізілуде. Ендігі кезекте пилоттық жобаға тағы 6 өңір қосылады, – деп хабарлайды Taspanews.kz ҚР Оқу-ағарту министрлігіне сілтеме жасап.
2025 жылдың наурызынан бастап пилоттық жобаға Семей, Өскемен, Жезқазған, Қарағанды қалалары, сондай-ақ Байзақ және Сарыағаш аудандары қосылады. Осыған дейін мектепке дейін білім беруді ваучерлік қаржыландыру Тараз, Түркістан, Шымкент, Орал және Астана қалаларында жүргізілді.
Осы жоба арқылы Тараз қаласының балабақшаларына кезек 12, Түркістанда 5 есеге азайды. Ұқсас жағдай басқа да аймақтарда байқалады. Жоба 2025 жылдың соңына дейін басқа да елді мекендерде жүргізіледі.
