2030 жылға қарай Қазақстан Ұлттық қорының активтері 100 миллиард долларға жетуі мүмкін
Қазақстан Үкіметі 2030 жылға қарай Ұлттық қордың активтерін $100 млрд-қа дейін арттыруды жоспарлап отыр, деп хабарлады Taspanews.kz ҚР Премьер-Министрінің сайтына сілтеме жасай отырып
Вице-премьер және Ұлттық экономика министрлігінің басшысы Нұрлан Байбазаров палаталардың біріккен сессиясы форматында парламентарийлердің сұрақтарына жауап берді. Ол Ұлттық қорды ұлғайту жөніндегі қадамдар туралы айтып берді. Оның айтуынша, басты мақсаттардың бірі 2030 жылға қарай қордың валюталық активтерінің көлемін $100 млрд-қа жеткізу болып табылады.
Соңғы екi жыл iшiнде шығыстарға қатысты бюджеттiк ережелер қолданылады. Негiзгi назар бюджет балансын олардың экономикалық тиiмдiлiгiне баса назар аудара отырып, салық базасын нығайту және шығыстарға басымдық беру есебiнен жақсартуға аударылады.
2024-2027 жылдар аралығында Ұлттық қордан кепілдендірілген трансферт көлемі жыл сайын 2 трлн теңге деңгейінде белгіленді. 2025-2029 жылдарға арналған әлеуметтік-экономикалық даму болжамына сәйкес 2024-2025 жылдары жыл сайын 1,6 трлн теңгеден нысаналы трансферт бөлу жоспарланып отыр. Алайда 2026-2027 жылдары мұндай шара көзделмеген.
«Болашақта мұнай бағасы барреліне $75 құраса, Ұлттық қор түсімдерінің 2025 жылғы 5,8 трлн теңгеден 2027 жылы 6,7 трлн теңгеге дейін өсуі болжануда», – деп толықтырды премьер-министрдің орынбасары.
