24 ақпанда ауа райы күрт нашарлайды
2025 жылдың 24 ақпанында кешке дейін Қазақстанның бірқатар өңірінде ауа райы күрт нашарлайды, – деп хабарлайды Taspanews.kz «Қазгидромет» РМК-ға сілтеме жасап.
Болжам бойынша, дүйсенбі күні қалың қар жауып, бұрқасын, тұман, көктайғақ және желдің күшеюі байқалатын болады.
Қызылорда облысында қалың қар жауып, бұрқасын, көктайғақ болып, желдің екпіні секундына 15-20 метрге дейін жетеді. Қызылорда қаласына қалың тұман түседі.
Алматы облысының, батыс және шығыс аумақтарында жел секундына 17-ден 22 метрге дейін күшейеді.
Қонаев қаласында желдің екпіні күшейеді.
Ақтөбе облысында ұзаққа созылған қар жауып, бұрқасын болуы мүмкін. Әсіресе оңтүстік және шығыс аумақтарында қар жауады. Желдің жылдамдығы секундына 15-20 метрге дейін жетеді.
Жетісу облысында Алакөл көлдері аймағында желдің екпіні күшейеді, жылдамдығы секундына 28 метрге жетеді.
Ақмола облысында жаңбыр мен қар түріндегі жауын-шашын, қою тұман, көктайғақ болады. Желдің екпіні секундына 15-20 метрге дейін жетеді.
Атырау облысының оңтүстік және шығыс аумақтарында қалың тұман түседі, бұл көру мүмкіндігін айтарлықтай төмендетеді.
Жамбыл облысының таулы аймақтарда жауын-шашын, көктайғақ болуы мүмкін. Жел секундына 20 метрге жетеді.
Тараз қаласында түнде және таңертең тұман түседі.
Батыс Қазақстан облысында қар жауып, бұрқасын, жауын-шашын, тұман болады.
Абай облысының аумағында екінші дәрежелі қолайсыз ауа райына байланысты ескерту жарияланды.
Шығыс Қазақстан облысында Өскемен, Риддер қалаларында тұман болады.
Ұлытау облысында жауын-шашын, бұрқасын, көктайғақ байқалады, желдің екпіні секундына 18 метрге дейін жетеді.
Қарағанды облысында аздаған жауын-шашын, көктайғақ, кей жерлерде тұман түседі.
Түркістан облысында жаңбыр жауады, таулы аймақтарда найзағай ойнауы мүмкін. Желдің жылдамдығы секундына 15-20 метрге дейін жетеді.
Шымкент қаласында күндіз қатты жаңбыр жауады.
Солтүстік Қазақстан облысында бұрқасын, тұман болады, желдің жылдамдығы секундына 20 метрге дейін жетеді.
Мамандар тұрғындарға сақтық шараларын сақтауды, ұзақ сапарға шықпауды және көрінудің төмендігі мен көктайғақ салдарынан жол жағдайының ықтимал нашарлауын ескеруді ұсынады.
