29 қараша бойынша ауа-райы болжамы
29 қараша, жұма күні Қазақстан бойынша ауа-райы айтарлықтай өзгерістерге ұшырайды, – деп хабарлайды Taspanews.kz OpenWeather сілтеме жасап.
Алматыда күн бұлтты, жауын-шашынсыз. Ауа температурасы күндіз 12 градусқа дейін, ал түнде нөлден 2 градусқа дейін төмендейді. Жел әлсіз болады.
Астанада күн ашық, жауын-шашынсыз, алайда температура айтарлықтай төмендейді. Күндіз температура - 6 С, ал түнде -18 градусқа дейінгі көрсеткішке ие. Жел аздап соғады.
Шымкентте аздап жауын-шашын жауады. Күндізгі температура 12 С, ал түнде ол 7 С жоғары. Мұнда жел күшейе түседі, жылдамдығы секундына 4,6 метрді құрайды.
Қазақстанның бірқатар облыстарында тұман, көктайғақ, қатты жел мен жауын-шашын күтіледі.
Батыс Қазақстан облысы
Облыстың солтүстігінде, батысында және Орал қаласында түнде және таңертең тұман түседі.
Түркістан облысы
Кешке жақын облыстың таулы аймақтарында нөсер жаңбыр жауады, кей жерлерде найзағай ойнайды. Түнде аймақтың солтүстігіне тұман түседі. Оңтүстік-батыс жел секундына 15-20 метрге дейін күшейеді, таулы және тау бөктерінде бұл әсіресе байқалады. Түркістанда да осындай екпінді жел күтілуде.
Абай облысы
Күндіз облыстың солтүстік және орталық бөлігінде секундына 15-20 метр екпінмен оңтүстік-шығыс жел соғады. Семейде 28 қарашада сағат 20:00-ден 29 қарашада сағат 20:00-ге дейін екінші дәрежелі қолайсыз метеорологиялық жағдайлар туралы ескерту жағдайы сақталады.
Қызылорда облысы
Облыстың солтүстігі мен орталығында түнде тұман мен көктайғақ болуы туралы болжам келтіріледі. Қызылордада түнде көктайғақ болады.
Қарағанды облысы
Түнде және таңертең аймақтың батыс аймақтарына тұман түседі.
Ақмола облысы
Аймақтың батысында, солтүстігінде және шығысында тұман болады. Көкшетауға да тұман түсуі мүмкін.
Ұлытау облысы
Тұман түнде және таңертең облыстың батыс, солтүстік және орталық аймақтарына түседі. Жезқазғанда да ұқсас жағдай байқалады.
Атырау облысы
Аймақтың батысы мен оңтүстігінде түнде тұман мен көктайғақ болады.
Солтүстік Қазақстан облысы
Облыстың батысында, солтүстігінде және оңтүстігінде тұман түседі деп болжануда.
Шығыс Қазақстан облысы
Аймақтың солтүстігінде түнде және таңертең тұман түседі. Өскемен мен Риддерде тұман түнгі және таңертеңгі уақытта сақталады. Сонымен қатар, бұл қалаларда 28 қарашада сағат 20:00-ден 29 қарашада сағат 20:00-ге дейін екінші дәрежелі қолайсыз ауа-райы туралы ескерту сақталады.
Маңғыстау облысы
Облыстың солтүстігі мен орталығында тұман мен көктайғақ болжанады.
