3 сәуірде Қазақстанда ауа райы күрт нашарлайды
Қазгидромет 2025 жылдың 3 сәуірі, бейсенбі күні Қазақстанның бірқатар аймақтарында дауылды ескерту жариялады, – деп хабарлайды Taspanews.kz.
Синоптиктердің болжамына сай, еліміздің кей өңірлерінде жел күшейіп, тұман түсіп, жауын-шашын болып, өзендердегі су деңгейі көтеріледі.
Солтүстік Қазақстан облысы
Мұнда күндіз жаңбыр жауады. Түнде және таңертең облыстың батысында тұман түседі. Оңтүстік-батыстан 15-20 м/с жел соғады, екпіні 23-28 м/с жетеді. Петропавлда да жағдай ұқсас болады.
Ұлытау ауданы
Жел оңтүстік-шығыстан, оңтүстіктен, облыстың солтүстігі мен шығысында секундына 15-20 метр екпінмен соғады.
Қарағанды облысы
Солтүстігі мен шығысында түнде және таңертең тұман түседі. Оңтүстік-шығыстан оңтүстік-батысқа көшетін жел екпіні 15-20 м/с. Қарағандыда екпіні секундына 15 метрге жететін жел соғады.
Қостанай облысы
Оңтүстік-батыстан жел соғады, кей жерлерде екпіні секундына 15-20 метрге жетеді.
Павлодар облысы
Түнде және таңертең облыстың оңтүстігінде тұман түседі. Оңтүстік-батыстан соғатын желдің екпіні кей жерлерде 15-20 м/с құрайды.
Алматы облысы
Оңтүстік-шығыстан соғатын жел шығыста және таулы аймақтарда секундына 18 метрге дейін жетеді.
Ақмола облысы
Балкашино ауылының маңындағы Жабай өзенінде 4 сағат ішінде су деңгейінің 64 см-ге көтерілгені тіркелді. Болжам бойынша, судың одан әрі көтерілуі және тасқынға әкелуі мүмкін. Күндіз облыстың батысы мен солтүстігінде жаңбыр жауады. Оңтүстік-батыстан 15-20 м/с жел соғады, екпіні 23-28 м/с жетеді. Көкшетауда желдің екпіні секундына 17-22 метрге жетеді.
Қызылорда облысы
Оңтүстік-шығыстан жел соғады, облыс орталығында екпіні 15-20 м/с жетеді.
Жетісу облысы
Алакөл аймағында шығыстан соғатын жел екпіні секундына 15-20 метрге жетеді.
Маңғыстау облысы
Солтүстік-шығыс және орталық аудандарда найзағай ойнайды. Оңтүстік-шығыстан солтүстік-батыстан соғатын жел екпіні 15-20 м/с.
Астана
Күндіз оңтүстік-батыстан екпіні секундына 15-20 метр болатын жел соғады.
Шығыс Қазақстан облысы
Түнде және таңертең облыстың солтүстігінде, шығысында және оңтүстігінде тұман түседі. Оңтүстік-шығыстан жел соғады, солтүстік-батыста екпіні 15-20 м/с. Өскеменде түнде және таңертең тұман түсіп, жел секундына 15 метрге дейін жетеді.
Жамбыл облысы
Түнде және таңертең таулы аймақтарда тұман түседі. Оңтүстік-шығыстан соғатын жел солтүстік-шығыста және тауларда екпіні 15-20 м/с жетеді.
Ақтөбе облысы
Оңтүстік, оңтүстік-батыстан жел соғады, облыстың солтүстігі мен шығысында екпіні секундына 15-20 метрге жетеді.
Абай ауданы
Түнде және таңертең облыс орталығында, солтүстігінде және оңтүстігінде тұман түседі. Оңтүстік-шығыстан, оңтүстіктен жел екпіні 15-20 м/с. Семейде түнде және таңертең тұман түсіп, жел секундына 15 метрге жетеді.
Бұған дейін синоптиктер алдағы күндері жаңбыр жауып, найзағай ойнап, ауа температурасы салқын болатынын және елге кезекті циклон жақындап келе жатқанын ескерткен болатын.
