5 мың теңгелік ет: Қазақстан нарығына не болып жатыр?

Қазақстандықтар ет бағасының қымбаттауына алаңдаулы: кейбір дүкендер мен базарларда сиыр етінің 1 килограммы 3,5-5 мың теңгеден сатылуда. Ауыл шаруашылығы министрі Айдарбек Сапаров жағдайдың бақылауда екенін айтып, бағаның неліктен көтерілгенін түсіндірді, – деп хабарлайды Taspanews.kz.

Басқарма басшысының айтуынша, бағаның көтерілуіне Өзбекстан мен Тәжікстанның белсенді сатып алуы себеп болған. Бұл көтерме бағаның өсуіне әкеліп соқты, делдалдар жағдайды пайдаланып, бағаны көтере бастады.

«Бағаның өсуіне көрші елдер тарапынан сұранысы әсер етті. Сатып алу кезінде делдалдар да қосылып, алыпсатарлықпен айналыса бастады. Дегенмен, жағдай бірте-бірте тұрақтануда», – деп түсіндірді ол. Қазір еліміздің әр өңірінде еттің құны әртүрлі.

Министр қазір сиыр етінің келісі 2700-3300 теңге аралығында сатылып жатқанын айтты. Кейбір жағдайларда, егер біз жұмсақ ет туралы айтатын болсақ, баға 3500 теңгеге жетуі мүмкін.

Сонымен қатар, ол елде ет тапшылығы жоқ екенін айтты. Министр ауыл шаруашылығы министрлігінің басты міндеті өндірісті қамтамасыз ету екенін баса айтты. Сауда департаменті бағаны реттеу мен өсуін болжау мәселелерімен айналысады.