6 қаңтар күні Қазақстан аумағы бойынша дауылды ескертулер жарияланды

Қазақстан бойынша 6 қаңтар күні дауылды ескерту көптеген қалаларды қамтыды, – деп хабарлайды Taspanews.kz Қазгидрометке сілтеме жасап.

ҚР Төтенше жағдайлар министрлігі Қазгидрометке сілтеме жасай, дауылды ескертуді жариялады.

Дауылды ескерту болжанған аумақтар:

Батыс Қазақстан облысында көктайғақ болып, тұман түседі;

Орал қаласында көктайғақ болады, Атырау облысының солтүстігі мен шығысына тұман түседі;

Маңғыстау облысында көктайғақ пен тұман болады;

Ақтауда көктайғақ, Ақтөбенің солтүстігі, шығысында жаяу бұрқасын, басқа бөліктерінде көктайғақ болады;

Қостанай облысында 6 қаңтар түнінде батыстан жел соғып, екпіні 15-20 м/с жетеді;

Астана, Ақмола, Көкшетауда көктайғақ болады. Солтүстік Қазақстан облысының батысында жел 23 м/с жетеді.

Петропавлда, Павлодарда. Ұлытау мен Қарағанды, Абай облысында, Шығыс Қазақстан облысы мен Өскеменде де дауылды ескерту жарияланды. Одан бөлек, бұл қатарда – Қызылорда, Түркістан мен Шымкент, Алматы мен Жетісу облысы.