9 желтоқсан бойынша Қазақстандағы шетел валюталар бағамы
9 желтоқсан күні ірі қалалардың айырбастау пункттерінде валюталардың орташа бағамдары өзгеріске ұшырады, – деп хабарлайды Taspanews.kz.
Бүгінгі күнге сай, Қазақстан Ұлттық Банкі белгілеген валюталардың ресми бағамдары мынадай: АҚШ доллары – 514,65 теңге, еуро – 544,6 теңге, ресей рублі – 5,17 теңге.
Kurs.kz келтірген ақпарат бойынша Алматыда бүгінгі таңда долларды сатып алу құны орта есеппен 508,43 теңгені, сату – 515,30 теңгені құрайды. Астанада доллар бағамы сәл жоғары. Елордада сатып алудың орташа бағамы 509,81 теңгені, сату – 519,98 теңгені құрайды.
Еуро бағамына келетін болсақ, Алматыда ол Астанаға қарағанда сәл жоғары. Алматыда еуроны сатып алу бағасы – 537,43 теңге, ал сату – 545,93 теңге бойынша жүзеге асады. Астанада еуроны сатып алу 536,85 теңгені құраса, сату құны – 547,02 теңге.
Алматыда рубльді 5,08 теңгеге сатып алуда, ал сату 5,22 теңге бойынша жүруде. Астанада сатып алу құны 5,11 теңгені, сату бағамы – 5,22 теңгені құрайды.
