Абай облысында 58 адам Қазақстан азаматтығын алды
2025 жылдан бастап Абай облысында 58 шет елдік жеңілдетілген тәртіппен Қазақстан Республикасы азаматтығын алды, – деп хабарлайды Taspanews.kz облыстық Полиция департаментіне сілтеме жасап.
Қазақстан азаматтығын алғандардың ішінде:
45 қандас;
Ресей, Беларусь және Қырғызстан азаматтары – 10 адам халықарылық келісіммен;
Азаматтық туралы конвенция негізінде тұрмыстағы әйелдер – 3 адам.
Еске салсақ, Қазақстан Республикасы азаматтығын жеңілдетілген немесе жалпы тәртіп бойынша алуға болады.
«Жеңілдетілген тәртіп келесі тұлғаларға қолжетімді:Қазақстан азаматына кемінде үш жыл некеде тұрған шетелдіктерҚазақстанда тұратын, соның ішінде тұрақты тіркеусіз қандастарҚазақстанның жоғары оқу орындарында оқитын этникалық қазақтарРесей, Беларусь және Қырғызстан азаматтары (халықаралық келісімдер негізінде)»,
Жалпы тәртіп бойынша Қазақстанда кемінде бес жыл тұрған, Қазақстан азаматымен кемінде үш жыл некеде болған және ҚР Конституциясы мен тарихы бойынша білімді растайтын сертификатты алғандар азаматтық алуға құқылы.
Талаптарды бұзу азаматтықтың күшін жою мен азаматтықты беруден бас тартуға әкелуі мүмкін.
