Абай облысында үйге заңсыз кіріп ұрлықпен айналысатындар ұсталды
Фото: Polisia.kz
Абай облысында Шығыс Қазақстан облысынан келген 4 үйді тонаушы ұсталды, – деп хабарлайды Taspanews.kz Polisia.kz сілтеме жасап.
Екі ұры үйге еніп, бағалы заттарды іздегенде, қалған екеуі сыртта қауіпсіздікті қамтамасыз етіп тұрған.
Топ Семейге келген күннің ертесі сейф ішіндегі ақша мен алтын бұйымдарды жайпап, үй иесіне 15 млн теңге шығын келтірді.
Заң бұзушылар осындай ұрлық барысында Ішкі істер министрлігі мен полиция өкілдері тарапымен ұсталды. Үйге заңсыз кіріп, ұрлық жасағаны үшін сотқа дейінгі тергеу басталды. Олардың бұған дейін осы қылмыс түрі бойынша сотты болғаны белгілі.
