Адам саудасына қарсы Заңда жыныстық қызметке қатысты жауапкершілік қарастырылды
Қазақстан заңсыз қызметке байланысты бірқатар қылмыстарды криминализациялауды енгізе отырып, адам саудасына қарсы күрес үшін жаңа шаралар қолданады,– деп хабарлайды Taspanews.kz ҚР ІІМ-не сілтеме жасап.
Мемлекет басшысы 2024 жылғы 5 шілдеде "Адам саудасына қарсы іс-қимыл туралы" Қазақстан Республикасының Заңына қол қойды, ол алғашқы ресми жарияланғаннан кейін 60 күн өткен соң, яғни 2024 жылғы 5 қыркүйекте күшіне енеді.
Осы заң шеңберінде Қылмыстық кодекске қылмыстардың жаңа санаты – адам саудасына қатысы бар қылмыстар қосылады, сондай-ақ нақты уақыт режимінде Интернет арқылы осындай Қызметтерді көрсетуді қоса алғанда, "сексуалдық сипаттағы өзге де қызмет көрсету" ұғымы енгізіледі.
Айыптылар қылмыстық жауапкершілікке тартылады.
- Кәмелетке толмағандарды қоса алғанда, адамдарды жыныстық сипаттағы өзге де қызметтер көрсетуге тарту және жеңгетайлық;
- Осы қызметке тарту және жеңгетайлық үшін жезөкшелікті және өзге де жыныстық қызметтерді насихаттау немесе жарнамалау;
- Жезөкшелікпен айналысу, өзге де жыныстық қызметтер көрсету және Интернетті қоса алғанда, телекоммуникациялық желілерді пайдалана отырып, притондарды ұйымдастыру немесе ұстау.
Бұл шаралар ұйымдастырушыларды қылмыстық Кодекстің 134, 308 және 309-баптары, сондай-ақ Қазақстан Республикасының Әкімшілік құқық бұзушылық туралы кодексінің 450-бабы бойынша жауапқа тартуға мүмкіндік береді.
Сонымен қатар, Заң егер де жезөкшелік қызметтерін кәмелетке толмаған жасөспірім көрсетсе, ол қызметті қолданғаны үшін қылмыстық жауапкершілікті енгізеді. Бұл Қазақстан Республикасы Қылмыстық кодексінің 122-бабы бойынша жауапқа тартуға мүмкіндік береді.
Бұдан бөлек, Әкімшілік құқық бұзушылық туралы Кодекс медициналық және балалар ұйымдарының лауазымды тұлғалары сәбилерді тастап кету және жетім балалардың немесе ата-анасының қамқорлығынсыз қалған балалардың келіп түсу фактілері туралы хабарламағаны үшін жауапқа тартылады.
Сондай-ақ, екі тараптың татуласуы арқылы адам саудасына байланысты қылмыстар бойынша жауапкершіліктен босату мүмкіндігі енді қарастырылмайды.
Қылмыстық іс жүргізу кодексіне жәбірленушінің мамандандырылған әлеуметтік қызметтерді алу құқығы енгізіледі.
