Ағзаларды трансплантациялау бес науқастың өмірін сақтап қалды
Бес ауыр науқас донорлық органдарды трансплантациялау арқылы аман қалды,– деп хабарлайды Taspanews.kz ҚР ДСМ-не сілтеме жасап.
University Medical Center медициналық мекемелерінде жүргізілген донорлық органдарды трансплантациялау операциялары трансплантацияны күту тізімінде тұрған бес адамның өмірін сақтап қалуға көмектесті.
Донор геморрагиялық инсульт алған 44 жастағы әйел болды. Дәрігерлер консилиумы мидың өлімін анықтап, туыстарына хабарлаған. Олар өз кезегінде донорлыққа рұқсат берген.
UMC Жүрек орталығында дәрігерлер тобы бұрын LVAD қан айналымын қолдау үшін механикалық құрылғы орнатылған 43 жастағы науқасқа донорлық жүректі трансплантациялады. Басқа бір науқасқа өкпе трансплантациясы жасалды. UMC ана мен бала орталығында 15 жасар қызға бүйрек трансплантациясы жасалды. Барлық реципиенттердің жағдайы тұрақты қанағаттанарлық болып қалады, олардың барлығы мамандардың бақылауында және оңалтудан өтеді.
Астана қаласының Ұлттық ғылыми онкологиялық орталығында басқа пациенттерге екінші бүйрек пен бауыр трансплантацияланды.
