Ақмола облысында шетел азаматы жол тегістейтін темір каток ұрлаған
Фото: Ақмола облысы ПД
Ақмола облысында кәсіпорын аумағынан ауыр техниканы ұрлаған шетелдік азамат ұсталды, – деп хабарлайды Taspanews.kz "Ақмола облысының ПД" сілтеме жасап.
17 шілдеде Зеренді ауданының полициясына кәсіпорын басшысынан 12 шілдеде ЖШС аумағынан жол тегістейтін темір каток ұрланғаны туралы өтініш-хабар келіп түсті. Қазіргі уақытта қылмыскердің іс-әрекеті тарапынан келтірілген залал анықталуда.
Полиция қызметкерлері жедел-іздестіру шаралары барысында күдіктіні ұстады. Ол көрші елдердің бірінің 43 жастағы тұрғыны болып шықты. Осы факті бойынша полиция бөлімі Қазақстан Республикасы ҚК 188-бабының 1-бөлігі "Ұрлық"бойынша сотқа дейінгі тергеу жүргізді.
Іс жүргізу мәжбүрлеу шарасы күдіктіге қатысу міндеттемесін жүктейді.
