Ақтау маңындағы ұшақтың қирауы: аман қалған 14 адам ауруханаға жатқызылды
Ақтау түбіндегі ұшақ апатынан аман қалған 14 адам шұғыл түрде облыстық көпсалалы ауруханаға жеткізіліп, қазір оларға медициналық көмек көрсетілуде, – деп хабарлайды Taspanews.kz.
Бұл туралы Маңғыстау облысы қоғамдық денсаулық сақтау департаментінің баспасөз қызметі хабарлады.
«14 зардап шеккен азамат ауруханаға жеткізілді, олардың барлығы жедел тексеруден өтіп жатыр», - делінген хабарламада.
22 жедел жәрдем бригадасы, сондай-ақ Апаттар медицинасы орталығының алты маманы оқиға орнына медициналық көмек көрсету үшін жетті.
«Зардап шеккендердің бесеуінің жағдайы өте ауыр, олар реанимацияға жатқызылды. Ауруханаға жеткізілген 11 жасар балаға тексеру жүргізілуде. Жақын арада тағы бір жарақат алған 16 жастағы жасөспірім медициналық мекемеге жатқызылады», – деп түсіндірді департаментте.
Облыстық көпсалалы ауруханада хирургиялық және травматологиялық операцияларға арналған 30 төсек-орын, сондай-ақ 10 реанимациялық төсек алдын ала дайындалған.
Балалар ауруханасы үшін 20 төсек пен 10 реанимациялық төсек бөлінді.
Оқиға орнында құтқару жұмыстары жалғасуда, қажет болған жағдайда дәрігерлер жаңа науқастарды қабылдауға белсенді түрде дайындалуда. Еске салсақ, 25 желтоқсан күні таңертең Бакуден Грозныйға ұшып бара жатқан жолаушылар ұшағы апатқа ұшыраған. Алдын ала деректер бойынша, борттағы баллондардың жарылуынан жарылыс болған.
Қазақстанның Төтенше жағдайлар министрлігі апат салдарын жою, сондай-ақ зардап шеккендерге көмек көрсету үшін қажетті күштер мен құралдарды жіберді.
ҚР Көлік министрлігі таратқан ақпаратқа сәйкес, апатқа ұшыраған ұшақ «Azerbaijan Airlines» авиакомпаниясында тіркелген. Алдын ала мәлімет бойынша, ұшақта Қазақстан азаматтары да болған.
