Ақтауда 3 автокөлік соқтығысты
Фото: 911.aktau
Ақтауда 20 қаңтар түні 3 автокөлік соқтығысты. Екі көлік Kia Cerato көлігіне соғылған, – деп хабарлайды Taspanews.kz Lada.kz сілтеме жасап.
911.aktau мәліметіне сай, жол апаты 5-6 шағын аудандар аралығында болды. Жол-көлік оқиғасы нәтижесінде 1 адам зардап шегіп, ауруханаға жатқызылды. Екі адамға медициналық көмек көрсетіліп, үйіне жіберілді.
Toyota Camry мен Mercedes-Benz көліктері жүргізушілеріне Kia Cerato көлігін соққаны үшін әкімшілік хаттама толтырылды. Хаттама жол жүру қағидалары бұзылып, көлік құралдарының немесе өзге де мүліктің бүлінуіне алып келген бұзушылық жасалғаны туралы болды. Көліктер айыппұл тұрағына жөнелтілді.
