Ақтаудағы апат орнына энергетиктер бірінші болып жетті
Ақтауда Embraer-190 жолаушылары бар ұшағының қирауынан кейінгі алғашқы минуттарда оқиға орнына бірінші болып «МӨЭК» АҚ энергетикалық компания қызметкерлері келді, – деп хабарлайды Taspanews.kz SHOT басылымына сілтеме жасап.
Олар аман қалған жолаушыларды эвакуациялауға кірісіп, ұшақтан 15-ке жуық адамды шығарып үлгерді.
Энергетиктер ресми құтқару қызметінің келуін күтпей, кәсіби құтқарушылар келгенше зардап шеккендерге алғашқы медициналық көмек көрсетіп, олардың қауіпсіздігін қамтамасыз етті.
Көп ұзамай оқиға орнына Қазақстанның Төтенше жағдайлар министрлігі жетіп, апат салдарымен жұмысты жалғастырды.
Ұшақта Ресей азаматтары болғандықтан, РФ Қылмыстық кодексі 263-бабы «Транспортты қолдануда қауіпсіздік ережелерін бұзу» бойынша қылмыстық іс қозғалды.
