Ақтөбе қаласы Қопа ауылындағы оқушының қазасы бойынша іс сотта қаралуда
Ақтөбе қаласы Қопа ауылында халықты дүрліктірген жағдай – баланы жасөспірімдердің ұрып-соғып қаза еткені бойынша іс жарты жылдан кейін сотта қаралуда, – деп хабарлайды Taspanews.kz КТК телеарнасына сілтеме жасап.
Іс бойынша 6 күдікті бар. Бірін денсаулыққа ауыр зардап әкелу, абайсызда қаза ету бойынша, қалғандарын бұзақылық үшін айыптауда. 2025 жылы 4 наурыз күні сот бойынша алдын ала тыңдау өтті.
Еске салсақ, 2024 жылдың 2 қыркүйегінде мектеп оқушысы ұрып-соғылғаннан кейін қаза болды. Одан бөлек тағы 12 бала соққыға жығылған. Мұны жоғары сынып оқушылары тәрбиелік мақсатта жасағаны айтылады.
Жәбірленушінің әпкесінің айтуы бойынша, қаскүнемдер куәгерлерге қаза тапқан баланың жағдайын ата-анасына хабарлауға тыйым салған. Осылайша, ұрыс соңы өлімге әкелді.
