Ақтөбеде 2 студент қой ұрлап сатқан
Фото: Polisia.kz
30 қарашаға қараған түні 2 студент мал ұрлығы бойынша ұсталды, – деп хабарлайды Taspanews.kz Polisia.kz сілтеме жасап.
Екі жас бала қой ұрлап, таңертен базарда сауда жасаумен айналысқан.
Заң бұзушылар екі қойды жеңіл автокөлікпен әкету барысында анықталды. Мал қожайынына қайтарылды.
Тергеу барысында студенттер екі ай бойы 5 рет мал ұрлығына қатысты болғаны анықталды. Басқа ауыл тұрғынан 8 қой әкеткендігі белгілі. Олар сауда мақсатында қолданылды.
Қылмыстық іс қозғалды. Күдіктілер күнәсін мойындады.
