Ақтөбеде жеңілдетілген несие арқылы үйге қол жеткізуге уәде берген алаяқ ұсталды
Фото: Depositphotos
Ақтөбеде медициналық мекеме қызметкері жергілікті тұрғындарды сан соқтырды, – деп хабарлайды Taspanews.kz Polisia.kz сілтеме жасап.
Алаяқ жалдамалы үй алып, артынан меншік иесіне айналуға болатын несие түрін ұсынып, көмектеспек болды. Әйелдің іс-әрекетінен 30 адам зардап шекті. 20 миллион теңге залал келтірілді. Полиция қылмыстық іс қозғап, тергеу жүргізуде.
Полиция басқа да зардап шеккендер болса, қалалық № 2 полиция бөліміне жүгінуге кеңес береді.
Еске салсақ, ұқсас жағдай бойынша 30 желтоқсанда Атырауда үй тонаған ұрылар бағалы заттарды ломбардқа өткізген.
