Ақтөбелік зейнеткер алаяқтардың кесірінен 2 миллион теңге жоғалтты
Фото: Pexels
Ақтөбелік зейнеткер өздерін ұялы байланыс компаниясының қызметкерімін деп таныстырған алаяқтардың SIM картасының әрекет ету мерзімін ұзарту туралы өтінішімен телефон соғып, 2 миллион теңгесін жоғалтып алды, - деп хабарлайды Taspanews Ақтөбе облыстық полициясының Instagram парақшасына сілтеме жасап.
Алаяқтар SMS хабарламадан код жазуға көндірді, содан кейін оның атына 500 мың теңге несие рәсімделіп, шотынан 3 400 доллар (1,5 миллион теңгеден астам) алынған.
Полицейлер азаматтарға мұндай қоңыраулар түскен кезде сақ болуды ескертеді. Өздерін ұялы байланыс операторының қызметкерлері ретінде таныстырған алаяқтар нөмірдің мерзімі аяқталуға жақын деп SMS немесе қосымшалардан код жазуды сұрауы мүмкін.
Егер сіз осындай қоңырау алсаңыз, қоңырауды дереу аяқтаңыз.
