Алматы, Астана, Шымкент қалалары бойынша ауа-райы болжамы
10 ақпан күні Қазақстанның ірі қалаларында түрлі ауа-райы жағдайы орнайды. Алматы мен Астанада аязды қысқы суық ауа-райы жалғасады, ал Шымкентте күн салыстырмалы түрде жылы болады, – деп хабарлайды Taspanews.kz World Weather порталының деректеріне сілтеме жасап.
Синоптиктердің болжауынша, бұл күні ірі қалаларда жауын-шашын болмауы мүмкін.
Алматы
Алматы тұрғындары нағыз қыстың салқынын сезінеді, алайда қатты аяз болмайды. Түнде ауа температурасы -7°С-қа дейін төмендейді, таң атқанша -3°C-қа дейін көтеріледі. Күндіз ауаның айтарлықтай жылынуы болжанбайды, тек -3°C дейін жылынады, ал кешке қарай қайтадан -8°C дейін суытады;
Таңертең ауа ылғалдылығы 60% құрайды, түске қарай бұл көрсеткіш 67% дейін артады, ал кешкі уақытта ол 79% жетеді. Атмосфералық қысым қалыпты шектерде тұрақты болады.
Астана
Астанада аяз бен жел болады. Түнде термометр -8°C аязды көрсетеді, ал таңертең ауа температурасы бір градусқа көтеріліп, -7°С-ты құрайды. Күндіз ауа -6°C-қа дейін жылығанымен, желдің екпіні күшті болғандықтан, ауа температурасы -10°C секілді сезіледі. Кешке қайтадан -7°C дейін төмендейді, бұл жоғары ылғалдылықпен бірге суық сезімін арттырады.
Ауа ылғалдылығы түнде біршама жоғары болады, таңертең аздап төмендейді, күндіз 82% жетеді. Атмосфералық қысым 743-746 мм сын.бағ. аралығында ауытқиды.
Шымкент
Қазақстанның оңтүстік мегаполисі өз тұрғындарын қолайлы температурасымен қуанта бермек. Түнде термометр 0°C температураны көрсетеді, ал таңертең ауа +6°С-қа дейін жылынады. Күндіз ауа температурасы +7°C болады, бұл қыста Шымкент үшін қалыпты жағдай. Кешке ауа температурасы +1°С-қа дейін аздап суытады.
Күндізгі ауа ылғалдылығы 70% деңгейінде сақталады, бұл салқындық сезімін тудырады, ал кешке бұл көрсеткіш 88% дейін артады.
