Алматы қаласында АҚШ консулдығы салынады
Фото: Freepik
2025 жылы 26 наурызда Алматы қаласында АҚШ консулдық мекемесінің ғимаратын салу үшін жел телімін жалға беру туралы Қазақстан-Америка үкіметаралық келісімі ратификацияланды, – деп хабарлайды Taspanews.kz ҚР Парламенті Мәжілісіне сілтеме жасап.
АҚШ үкіметіне жер телімін жалға беру туралы құжатқа 2024 жылы 27 қыркүйекте Нью-Йорк қаласында қол қойылды. Шарт ережесі бойынша ауданы 70 593 шаршы метр ғимарат салынатын болады. Жалдау мерзімі 49 жылды құрайды.
«Келісімге сәйкес АҚШ үкіметі жалдау ақысын қоспағанда, жер учаскесі мен консулдық ғимаратына салықтар мен басқа төлемдерді төлеуден босатылады. Бұл ретте ол консулдық ғимаратының құрылысына байланысты коммуналдық қызметтерді Қазақстанда қолданыстағы нормативтер мен тарифтерге сәйкес төлей отырып, ғимаратты күтіп-ұстауға және жөндеуге жұмсалған шығыстарды дербес төлеуге міндеттеледі»,
Ғимаратты салу мен жабдықтауда бас мердігер АҚШ-тық компания болады. Ол кедендік төлемдер, импорт салығы мен рұқсат алу бойынша талаптардан босатады.
