Алматы қаласының төрт ауданында ауыл шаруашылығы өнімдерінің жәрмеңкесі өтеді

Алматының төрт ауданында, 30 қараша - 1 желтоқсан аралығында ауыл шаруашылық жәрмеңкесі өтеді, – деп хабарлайды Taspanews.kz СИМ Сауда комитетіне сілтеме жасап.

Жәрмеңкеде ет-сүт, жеміс-көкөніс, шұжық, ұн, жарма, өсімдік және жануар майы сияқты жалпы көлемі 130 тоннадан астам азық-түлік өнімдері сатылады.

Қарасай, Жамбыл, Іле, Талғар және Еңбекшіқазақ аудандары шаруалары мен Алматы қаласының азық түлік тауарларын өндірушілері өз өнімдерін ұсынады.

Жәрмеңкелер келесі мекен-жайлар бойынша өтеді:

1.  Гоголь – Масанчи көшелері  (Алмалы ауданы);

2.   Қазақфильм шағын ауданы (Бостандық ауданы);

3.  Абай даңғылы – Өтеген батыр көшесі (Әуезов ауданы);

4.  Меңдіқұлов көшесі – Бектұров көшесі қиылысы (Медеу ауданы).

"Жәрмеңкеде азық-түлік тауарларын, оның ішінде әлеуметтік маңызы бар азық-түлік тауарларын арзан бағада сатып алуға болады. Азық-түлік жәрмеңкелері Алматы қаласында сенбі және жексенбі күндері апта сайын өткізіледі",  –  ҚР СИМ Сауда комитеті.