Алматы облысында өрт сөндірушілердің бейқамдығынан үй өртенгендігі бойынша сот отырысы өтті
Алматы облысы Елтай ауылындағы өртті сөндіруге уақытылы келмегені бойынша өрт қызметіне қатысты үкім шықты, – деп хабарлайды Taspanews.kz Жоғарғы Сотқа сілтеме жасап.
2023 жылы мамыр айы сағат 17:30-да ер адам үй маңындағы шөп өртенгенін айтып өрт сөндіру қызметіне хабарласқан. Өтініші назарсыз қалып, өрт үйіне көшіп, тарап кетті. Жалынды сөндіруге әкімдік өкілі мен тұрғындар жұмылдырылды. Ал сөндіру қызметі тек 22:40-та келген.
Өрт сөндірушілердің бейқамдығын алға тартып, ол сотқа жүгінді. Шығын құнын 11,9 миллион теңгеге бағалап, өтемақы талап етті.
МАӘС оның талабын қанағаттандырып, өрт сөндіру қызметін өтемақы төлеуге міндеттеді. Олар апелляциялық шағым түсіргенмен, Алматы облыстық сотына барған бірінші сот ісінің нәтижесі өзгеріссіз қалды.
