Алматы облысында педофил 21 жылға сотталды
Фото: Freepik
Алматы облысында өзгенің үйіне кіріп, балаларын пышақтап, ұрып-соққан педофил ұсталды, – деп хабарлайды Taspanews.kz КТК телеарнасына сілтеме жасап.
Кішкентай қызды зорлап, балаларды қорлаған Түркістан облысы тұрғыны бұрынырақ бірге кездесіп, сөйлескен әйелдің үйіне басакөктеп кірген. 13 жасар жасөспірімді ауыр затпен ұрып жіберіп, оның інісінің ернін кескен. Тағы бір бала бас сүйек-ми жарақатын алған. Ал 10 жасар қыз екі рет зорланды.
Айқайды естіген көршілері қылмыскерді үркіткен, алайда ол қашып үлгермей, ұсталды.
Сотқа дейінгі тергеу нәтижесімен Алматы облысының қылмыстық істер жөніндегі мамандандырылған ауданаралық соты қылмыскерді 21 жылға бас бостандығынан айырылды.
