Алматы облысында тауда эндуристерге шабуыл жасаған күдіктілер қамауға алынды

Алматы облысының тауларында эндуристерге жасалған шабуылға қатысы бар деп күдіктелген үш адам қамауға алынды, – деп хабарлайды Taspanews.kz KazTAG ақпаратына сілтеме жасап. Қазір ұсталғандар Қарасай ауданының уақытша ұстау изоляторында.

Алматы облысының полиция департаменті бір топ адам жасаған бұзақылық фактісі бойынша қылмыстық іс қозғалғанын хабарлады. Шабуылдаушылардан алынған қару сараптамалық талдауға жіберілді.

Полицияның мәліметінше, шабуылдаудың себебі – жайылып жүрген малдың мотоцикл дауыстарынан үркуі. Бұл малшылардың агрессиясын туғызған. "Қазір тергеу әрекеттері оқиғаның барлық нюанстарын анықтауға бағытталған", - деп нақтылады полиция департаменті.

Бұл оқиға 14 шілдеде мотоцикл жүргізушілері тауда тоқтап, демалуды шешкен кезде болды. Әлеуметтік желілерде мотоцикл жүргізушілерін қамшылай бастаған малшылардың соққысы тараған. Онда түрлі ұрыс сөздер қолданылған. Көп ұзамай оған Калашников қаруына ұқсас қаруланған адамдар қосылған. Олар эндуристердің бірін ұрып-соққан.

Жәбірленушілер құқық қорғау органдарына тиісті өтінішпен жүгінді.