Алматыда 6 қабатты әкімшілік ғимарат қалың өртке оранған
Фото: ҚР ТЖМ
2025 жылы 2 сәуір түні, сағат 03:49 шамасында Төтенше жағдайлар қызметіне Алматы қаласы, Жетісу ауданы, Новгородская көшесі бойындағы 6 қабатты әкімшілік ғимараттың өртке оранғаны туралы хабар келіп түсті, – деп хабарлайды Taspanews.kz ҚР ТЖМ сілтеме жасап.
Өрт туралы мәлімдеме кеш жасалған. Құтқару қызметі келмей тұрып, өрт өршіп кетті. Ғимарат шатыры мен қаптамасы толықтай жанды. Өрт таралуына лак-бояу бар ыдыстар жарылысы әсер етті. Жедел өрт сөндіру штабы, мемлекеттік емес өрт сөндіру қызметтері мен «Алматы Су» біріге үздіксіз су беру арқылы, ғимараттағы жалынды сөндіруге тырысты.
Өрт сөндірілгені туралы ақпарат таңғы сағат 06:45 шамасында таратылды.
Зардап шеккендер жоқ. Өрт өзге ғимараттарға тарамаған.
