Алматыда автобус пен тепловоз соқтығысты
Алматыда тепловоз бен автобустың соқтығысуынан алты адам жарақаттанды, –деп хабарлайды Taspanews.kz Мой Алматы телеграм арнасына сілтеме жасап.
Жол апаты 26 қараша күні, Алмалы ауданында сағат 11:40 шамасында орын алды. Оқиға туралы Алматы қалалық полиция департаменті толығырақ мәлімет келтірді.
"Жеке тасымалдаушыға тиесілі 88-қоғамдық автобус Әуезов көшесімен солтүстік бағытта жүріп келе жатты. Гоголь көшесінің жанындағы теміржол қиылысында ол батысқа қарай жылжып бара жатқан тепловозбен соқтығысты. Автобуста болған алты жолаушы жарақаттанды. Оларға жедел медициналық көмек көрсетілді. Зардап шеккендердің хал-ахуалы нақтылануда, алайда алдын ала мәліметке сай, аса ауыр салдар байқалмады",– Полиция департаменті.
Оқиға бойынша тергеп-тексеру жұмыстары басталды.
